Chelsea á Englandi er að tryggja sér markvörðinn Kepa Arrizabalaga en hann kemur til liðsins frá Athletic Bilbao.

Margir af stærstu miðlum heims fullyrða þessar fregnir en Kepa verður um leið dýrasti markvörður sögunnar.

Chelsea mun borga 71 milljón punda fyrir Spánverjann sem á einn landsleik að baki.

Maurizio Sarri, stjóri Chelsea, var spurður út í markmanninn eftir leik við Lyon á Stamford Bridge í kvöld sem lauk með markalausu jafntefli.

,,Ég sá hann fyrir einu ári síðan og það fyrsta sem ég hugsaði var að hann væri mjög góður markvörður. Hann er mjög ungur en mjög, mjög góður.“