Veðbankar á Englandi eru nokkuð vissir um það að Jose Mourinho, stjóri Manchester United, verði rekinn á þessari leiktíð.
Mourinho hefur hagað sér undarlega á undirbúningstímabilinu en hann hefur virkað afar pirraður og reiður.
Mourinho skrifaði undir nýjan samning við United í janúar en hann er samningsbundinn til ársins 2020.
Samkvæmt enskum miðlum myndi það kosta félagið gríðarlega háa upphæð að losa sig við Portúgalann.
Mourinho myndi fá 12 milljónir punda í vasann ef United ákveður að reka hann eða laun fyrir allt tímabilið.
Mourinho myndi hins vegar ekki fá síðasta ár samningsins borgað upp en United passaði sig á því eftir að hafa borgað Louis van Gaal risaupphæð er hann fékk sparkið á Old Trafford.