Ágúst Gylfason, þjálfari Breiðabliks, gat brosað í kvöld eftir 1-0 sigur á KR í Pepsi-deildinni.
Blikar unnu 1-0 sigur á KR á Kópavogsvelli og eru nú komnir á toppinn eftir mark frá Alexandra Helga Sigurðarsyni.
,,Allur heiðurinn fer til stuðningsmannana, það var fullt af fólki mætt og þetta var flottur leikur,“ sagði Ágúst við Stöð 2 Sport.
,,Þetta eru skemmtilegustu sigrarnir, KR stóð sig vel og börðust allan leikinn en við áttum sigurinn skilið.“
,,Maður bjóst ekki við að þetta yrði eitthvað blússandi, bæði lið lögðu sig vel fram og Alexander gerði þetta frábærlega er hann skorar.“
,,Ég sagði við hann að hann kæmi til baka og myndi spila stórt hltutverk í liðinu og hann stimplar sig strax inn.“
,,Hvað heldur þú? Að sjálfsögðu,“ svaraði Ágúst svo blaðamanni er hann var spurður út í það hvort planið væri ekki að halda liðinu á toppnum.