Thibaut Courtois, markvörður Chelsea, lét ekki sjá sig á æfingu hjá félaginu í dag en hann vill komast burt.
Courtois átti að mæta aftur til æfinga í gær eftir sumarfrí en hann var hvergi sjáanlegur er aðrar stjörnur sneru til baka.
Belginn vill komast til Real Madrid sem hefur áhuga en fjölskylda hans býr á Spáni eftir dvöl hans hjá Atletico Madrid.
Courtois verður sektaður um 200 þúsund pund af Chelsea fyrir þessa hegðun en hann mun líklega fara fyrir lok gluggans á fimmtudag.
Chelsea er að reyna að fá markvörð inn fyrir Courtois sem er fáanlegur fyrir 45 milljónir punda.