Framherjinn Claudio Pizarro hefur skrifað undir samning við lið Werder Bremen í Þýskalandi.
Þessi 39 ára gamli leikmaður kemur til Bremen frá FC Köln þar sem hann spilaði 16 deildarleiki á síðustu leiktíð og gerði eitt mark.
Pizarro þekkir mjög vel til Bremen en hann skrifaði undir hjá félaginu í fjórða skiptið á ferlinum.
Pizarro var á mála hjá Bremen 1999-2001, 2008-2009, 2015-2017 og nú spilar hann með liðinu út næstu leiktíð.
Pizarro hefur einnig spilað fyrir Bayern Munchen og Chelsea en hann var frábær fyrir Bayern í sex ár frá 2001-2007.
Pizarro fagnar fertugsafmæli sínu í október en hann gerir eins árs samning við Bremen.
Það vekur athygli hvaða númer Perúmaðurinn mun klæðast hjá Bremen í þetta skiptið en hann valdi treyju númer fjögur.
Ástæðan er einföld en Pizarro fagnar því að vera kominn í fjórða skiptið til félagsins á ferlinum!