Srdjan Tufegdzic, þjálfari KA, var vonsvikinn með frammistöðu sinna manna á köflum í kvöld er liðið mætti ÍBV.
KA þurfti að sætta sig við 2-1 tap eftir að hafa komist yfir og var Túfa ekki ánægður með hvernig sínir menn mættu til leiks.
,,Þetta eru mikil vonbrigði eftir fimm, sex vikur þar sem við vorum á góðu runni,“ sagði Túfa.
,,Við vildum koma og sækja þrjú stig hingað líka, við komumst yfir en við mættum ekki vel inn í fyrri hálfleik og vorum á hælunum allan tímann.“
,,Staðan var 1-1 í hálfleik en enn og aftur mætum við ekki í seinni og lendum 2-1 undir.“
,,Ég er þó ánægður með síðasta hálftímann þar sem við sýndum mikinn karakter og sýndum að við gefumst aldrei upp.“
,,Það hefði ekki verið ósanngjarnt ef við hefðum tekið stig en ég er svekktur af hverju við mætum ekki betur í þennan leik.“