Víkingur Reykjavík spilaði alls ekki góðan leik í kvöld er liðið mætti Stjörnunni í Pepsi-deild karla.

Víkingar buðu nánast ekki upp á neitt í Víkinni í kvöld en Stjörnumenn höfðu að lokum betur 4-0.

Það lýsir kannski spilamennsku Víkinga vel að þeir fengu á sig fyrsta markið eftir aðeins 14 sekúndur.

Guðjón Guðmundsson, Gaupi, hefur miklar áhyggjur af Víkingum miðað við frammistöðuna í kvöld.

Gaupi segir að frammistaðan hafi ekki verið boðleg og að með þessi áframhaldi sé liðið á leið niður um deild.

,,Það er átakanlegt að horfa á Víking í þessum leik. Þetta er vart boðlegt. Vonandi þeirra vegna mun þetta lagast næstu vikur. Annars. Inkasso. Staðgreitt.Eina,“ skrifaði Gaupi á Twitter.

Víkingar eru í áttunda sæti deildarinnar eftir 14 umferðir en liðið er enn sjö stigum frá fallsæti.

Það er átakanlegt að horfa á Víking í þessum leik. Þetta er vart boðlegt. Vonandi þeirra vegna mun þetta lagast næstu vikur. Annars. Inkasso. Staðgreitt.Eina.

— Guðjón Guðmundsson (@gaupinn) 29 July 2018