Danski framherjinn Jeppe Hansen hefur skrifað undir lánssamning við ÍA í Inkasso-deild karla og mun leika með liðinu út tímabilið.

Þetta staðfesti Keflavík í kvöld en Jeppe hefur ekki náð að sýna sínar bestu hliðar með Keflavík í sumar.

Keflavík hefur verið í miklu basli í Pepsi-deildinni og er fast á botninum með þrjú stig eftir 13 umferðir.

Jeppe stóð sig mjög vel í Inkasso-deildinni á síðustu leiktíð er Keflavík tryggði sæti sitt í efstu deild.

Framherjinn gerði þá 15 mörk í 21 leik fyrir félagið og mun nú fá tækifæri með ÍA sem stefnir einnig upp í efstu deild.