John Hartson, fyrrum leikmaður Arsenal, segir að stuðningsmenn félagsins verði að sýna þolinmæði.

Arsenal hefur keypt fimm leikmenn í sumar en þrátt fyrir það er Hartson ekki svo viss um að það séu leikmenn sem vinni titla fyrir þig strax.

,,Stuðningsmenn Arsenal þurfa að sýna þolinmæði í nokkur tímabil, þeir mega ekki búast við of miklu strax því ég tel að þeir séu enn eftir á þegar kemur að því að eiga bestu leikmenn heims,“ sagði Hartson.

,,Ég held að það séu margir stuðningsmenn þeirra sem séu sammála mér. Þeir hafa þó ráðið Unai Emery til starfa og hann er með góða ferilskrá þegar kemur að Evrópudeildinni.“

,,Ég held að þeir þurfi að sýna honum þolinmæði og trúa á það að hann sé með það sem til þarf fái hann peninginn til að bæta hópinn.“

,,Þeir eru þó langt frá því að vera að kaupa bestu leikmenn heims, þegar þeir eru fáanlegir þá er Arsenal ekki eitt af þeim liðum sem reynir við þá.“