Maurizio Sarri var ráðinn stjóri Chelsea í sumar en hann kemur til félagsins eftir dvöl hjá Napoli.
Aurelio De Laurentiis, forseti Napoli, segir að Sarri hafi viljað taka alla leikmenn ítalska liðsins með sér til Englands.
Sarri heimtaði að fá leikmenn Napoli með sér til Englands og varð að ósk sinni er miðjumaðurinn Jorginho krotaði undir á Stamford Bridge.
,,Eftir allt saman þá vildi hann taka allt liðið mitt með sér til Englands og splundra því. Ég þurfti að útskýra málin fyrir Marina [Granovskaia, yfirmanni knattspyrnumála Chelsea],“ sagði De Laurentiis.
,,Hann vildi fá Jorginho og ég leyfði honum það eftir að hafa rætt við þjálfarann Carlo Ancelotti sem sagði mér að hann væri að búast við miklu af Amadou Diawara og að hann vildi spila Marek Hamsik neðar.“
