KR og Stjarnan áttust við í stórleik í Pepsi-deild karla í kvöld en leikið var á Alvogen vellinum í Vesturbæ.

Það voru heimamenn í KR sem höfðu betur gegn þeim bláu en eitt mark var skorað og það kom í fyrri hálfleik.

Óskar Örn Hauksson sá um að tryggja KR sigur í kvöld en hann gerði eina mark leiksins með frábæru marki úr aukaspyrnu.

KA var í stuði á sama tíma gegn Fylki en liðið vann mjög sannfærandi 5-1 sigur á Fylki sem er í fallsæti.

Það gengur ekkert hjá Fylkismönnum en liðið hefur nú fengið á sig tíu mörk í tveimur leikjum eftir 5-2 tap gegn KR í síðustu umferð.

KR 1-0 Stjarnan
1-0 Óskar Örn Hauksson(30′)

KA 5-1 Fylkir
1-0 Ásgeir Sigurgeirsson(19′)
2-0 Callum Williams(43′)
3-0 Ásgeir Sigurgeirsson(65′)
4-0 Aleksandar Trninic(77′)
5-0 Ásgeir Sigurgeirsson(82′)
5-1 Valdimar Þór Ingimundarson(83′)