Manchester United á Englandi á ekki efni á vængmanninum Gareth Bale sem spilar með Real Madrid.
Frá þessu greinir Craig Bellamy, fyrrum samherji Bale en þeir léku um tíma saman með landsliði Wales.
Bale er orðaður við brottför þessa dagana en United er það lið sem hefur sýnt honum hvað mestan áhuga.
,,Hvert ætti hann að fara? Manchester United getur ekki borgað launin hans, það er bara eitt lið sem getur það,“ sagði Bellamy.
,,Hann lifir í þeim heimi þessa stundina. Hann þyrfti að taka á sig risa launalækkun fari hann annað.“