Eysteinn Húni Hauksson hefur tekið við þjálfun Keflavíkur í Pepsi-deild karla. Þetta staðfesti félagið í dag. Honur til aðstoðar verður Ómar Jóhannsson.
Eysteinn var aðstoðarmaður Guðlaugs Baldurssonar fyrr í sumar en Guðlaugur sagði upp störfum á dögunum.
Keflavík hefur verið í miklu basli í allt sumar en liðið er með þrjú stig á botni Pepsi-deildarinnar eftir 12 umferðir.
Fréttatilkynning frá Knattspyrnudeild Keflavíkur
Stjórn knattspyrnudeildar Keflavíkur hefur ákveðið að leita til Eysteins Húna Haukssonar um að taka að sér yfirþjálfun knattspyrnuliðs Keflavíkur. Honum til aðstoðar verður Ómar Jóhannsson.
Ráðning þessi er gerð í þeim tilgangi að halda áfram því uppbyggingarstarfi sem Knattspyrnudeild Keflavíkur hefur ákveðið að viðhafa við uppstillingu á keppnisliðum sínu. Það er mikil auður falin í ungu fólki sem alist hefur upp í öflugu barna- og unglingastarfi Keflavíkur, og nú býðst þeim tækifæri til að það sýna sem í þeim býr.
Eysteinn hefur verið aðstoðarþjálfari meistaraflokks um nokkurt skeið, en auk þess hefur hann gengt stóru lykil hlutverki við uppbyggingu á þeim ungu leikmönnum sem nú eru að fá tækifæri til að leika með liðinu í efstu deild.
Fyrir þessu verkefni ber stjórn Keflavíkur fullt traust til þeirra Eysteins og Ómars, og mun vinna að kappi með þeim um að halda áfram uppbyggingunni og sækja áfrangur í deildinni.