Roy Keane, fyrrum leikmaður Manchester United, sá leik Englands og Króatíu í gær en hann starfaði sem sérfræðingur ITV.
England tapaði leiknum 2-1 en Mario Mandzukic skoraði sigurmark Króata í framlengingu.
Keane var mjög ósáttur við varnarmanninn John Stones og kennir honum um mark Mandzukic. Keane segir að Stones hafi verið sofandi á verðinum.
,,Stones er bara að horfa á boltann þegar þeir skora markið og horfir svo á aðra leikmenn eins og þeir hafi átt að kalla á hann,“ sagði Keane.
,,Þú ert ekki að fara að fá kallið í undanúrslitum HM. Þú verður að átta þig á þessu og takast á við þetta sjálfur.“
,,Hann er einfaldlega sofandi á verðinum í vörninni.“