ÍBV er í mjög vondum málum í undankeppni Evrópudeildarinnar eftir leik við Sarpsborg frá Noregi í kvöld.
Staðan var markalauseftir fyrri hálfleikinn en gæði Sarpsborg komu í ljós í síðari hálfleik.
Þeir norsku gerðu fjögur mörk gegn engu hjá Eyjamönnum og unnu að lokum sannfærandi 4-0 sigur.
Hér má sjá það góða og slæma úr leiknum.
Plús:
Sarpsborg var bara einum of stór biti fyrir Eyjamenn í dag.
Í seinni hálfleik sást að Sarpsborg hefur meiri gæði en ÍBV og kláruðu þeir leikinn með frábærum sóknum.
Skyndisóknir Sarpsborg voru frábærar og varð nánast alltaf eitthver hætta þegar þeir komu hratt á vörn Eyjamanna. Öll mörk þeirra komu meðal annars upp úr skyndisóknum
Mínus:
Eyjamenn urðu strax á 3.mínútu fyrir miklu áfalli þegar Yvan Erichot fór meiddur af velli eftir alvarlegt höfuðhögg.
Það er hins vegar ótrúlegt að Eyjamenn hafi ekki skorað í leiknum en þeir fengu nokkur dauðafæri og áttu allavega að skora eitt mark í leiknum.
Seinni leikurinn verður gríðarlega erfiður fyrir Eyjamenn því að fara til Sarpsborg 4:0 undir er alls ekki góð staða, nánast ómögulegt.