Það fór fram Íslendingaslagur í Evrópudeildinni í kvöld er Ferencvaros frá Ungverjalandi mætti Maccabi Tel Aviv frá Ísrael.
Fyrri leikur liðanna í undankeppninni fór fram í Ungverjalandi í kvöld og lauk með 1-1 jafntefli.
Kjartan Henry Finnbogason var í byrjunarliði Ferencvaros en hann spilaði 80 mínútur í leiknum.
Viðar Örn Kjartansson spilaði jafn mikið og Kjartan fyrir þá ísraelsku en fór af velli í stöðunni 1-0.
Ferencvaros tók forystuna á 61. mínútu leiksins en Maccabi jafnaði metin á 91. mínútu í uppbótartíma.