Lið Newcastle í ensku úrvalsdeildinni hefur tryggt sér vængmanninn Kenedy frá Chelsea fyrir næstu leiktíð.
Þetta var staðfest í dag en Kenedy skrifar undir eins árs langan lánssamning við Rafael Benitez og félaga.
Kenedy var í láni hjá Newcastle á síðustu leiktíð og kom reglulega við sögu eftir fá tækifæri á Stamford Bridge.
Kenedy kom til Chelsa frá Fluminese árið 2015 og á að baki 15 deildarleiki fyrir liðið.
Þessi 22 ára gamli leikmaður spilaði 13 leiki fyrir Newcastle á síðasta tímabili en hann kom til liðsins á láni í janúar.
