Samkvæmt fjölmiðlum á Englandi gæti miðjumaðurinn Georginio Wijnaldum verið á förum frá Liverpool.
Liverpool er sagt hafa gefið Wijnaldum grænt ljós á að fara eftir að hafa fengið tvo miðjumenn til félagsins í sumar.
Þeir Naby Keita og Fabinho skrifuðu undir á Anfield og er framtíð Wijnaldum því í mikilli óvissu.
Wijnaldum kom til Liverpool frá Newcastle fyrir tveimur árum og á að baki 69 deildarleiki fyrir liðið.
Fenerbahce hefur áhuga á að fá þennan 27 ára gamla leikmann í sínar raðir en hann gæti farið á láni.
