Antonio Conte verður ekki þjálfari Chelsea á næstu leiktíð en hann hefur yfirgefið Stamford Bridge.

Helstu miðlar Englands greina frá þessum fregnum en Chelsea á aðeins eftir að staðfesta brottreksturinn.

Conte hefur undanfarin tvö ár stýrt Chelsea og vann deildina á sínu fyrsta tímabili við stjórn.

Gengi Chelsea var heldur verra á síðustu leiktíð og mistókt liðinu að komast í Meistaradeildina.

Tölfræði Conte er þó alls ekki slæm en aðeins einn stjóri á England er með betra sigurhlutfall í ensku úrvalsdeildinni.

Pep Guardiola hefur unnið 72% af sínum leikjum við stjórnvölin hjá Manchester City en næstur er svo Conte með 67%.