Steven Gerrard, nýr stjóri Rangers, hefur verið duglegur að fá inn nýja leikmenn til félagsins í sumar.
Rangers tryggði sér efnilegan framherja í gær að nafni Umar Sadiq sem kemur á láni frá Roma.
Þessi 21 árs gamli leikmaður gerir eins árs langan lánssamning en hann segist ekki hafa getað hafnað Gerrard.
,,Það er gott að vera kominn hingað og ég get ekki beðið eftir því að fá að byrja,“ sagði Sadiq.
,,Ég heyrði fyrsta af áhuga Rangers fyrir mánuði síðan er ég var í fríi í Nígeríu. Umboðsmaður minn sagði mér þá frá áhuga Rangers.“
,,Hann hringdi svo aftur í mig fyrir tveimur vikum og þá byrjaði ég að skipta um skoðun. Ég ætlaði að vera áfram hjá Roma en þegar Steven Gerrard hringir þá geturðu ekki sagt nei.“