David Ospina, markvörður Arsenal, er að kveðja liðið samkvæmt fréttum á Englandi.

Ospina er 29 ára gamall markmaður en hann kom til Arsenal frá Nice árið 2014 og hefur verið í varahlutverki síðan þá.

Ospina er kólumbískur landsliðsmaður og á að baki 90 leiki fyrir sína þjóð. Hann stóð vaktina fyrir Kólumbíumenn á HM í sumar.

Ospina er nú að semja við Boca Juniors í Argentínu og mun kosta liðið sex milljónir punda.

Ospina lék áður með Atletico Nacional í Kólumbíu og svo Nice í Frakklandi þar sem hann var aðalmarkvörður.

Eftir komu Bernd Leno frá Bayer Leverkusen er Ospina orðinn þriðji markvörður Arsenal á eftir Leno og Petr Cech.