Markvörðurinn Rui Patricio gekk í raðir Wolves í sumar en hann kom til félagsins frá Sporting Lisbon í Portúgal.

Allt varð vitlaust hjá Sporting eftir slæmt gengi á síðustu leiktíð og réðust stuðningsmenn félagsins á æfingasvæði liðsins og að leikmönnum.

Margir leikmenn vildu því fá að rifta samningi sínum við félagið og hafðist það að lokum hjá Patricio sem samdi við Wolves.

Sporting telur Wolves ekki hafa tryggt sér þjónustu Patricio á löglegan hátt og hefur sent inn kvörtun til FIFA.

Þar heimtar Sporting að fá 48 milljónir punda frá Wolves og vill að félagið verði sett í tveggja ára félagaskiptabann.

Einnig vill Sporting að Patricio fari í bann fyrir sinn þátt í málinu og vilja að FIFA refsi honum með sex mánaða keppnisbanni.

Samkvæmt Mirror telur Wolves sig ekki hafa gert neitt rangt og mun svara þessari kvörtun Sporting fullum hálsi.