Cristiano Ronaldo krotaði í gær undir samning við Juventus á Ítalíu eftir margra ára dvöl hjá Real Madrid.
Ronaldo skoraði yfir 400 mörk á níu árum hjá Real og vann allt mögulegt á Santiago Bernabeu.
Gareth Bale, leikmaður Real, mun sakna Ronaldo og segir að það hafi verið frábært að fá að spila með honum.
,,Hann er ótrúlegur leikmaður og toppnáungi,“ sagði Bale um fyrrum samherja sinn.
,,Það hefur verið unun að fá að spila með þér síðustu fimm árin. Gangi þér vel í framtíðinni, vinur minn.“
