Arsenal hefur fest kaup á miðjumanninum Matteo Guendouzi en þessi skipti hafa legið í loftinu síðustu daga.
Guendouzi kemur til enska félagsins frá Lorient í Frakklandi en hann var áður í unglingaliði Paris Saint-Germain.
Guendouzi er aðeins 19 ára gamall en hann kom reglulega við sögu hjá Lorient á síðustu leiktíð. Liðið spilar í næst efstu deild.
Talið er að Arsenal borgi átta milljónir punda fyrir Guendouzi sem er mikið efni.
Arsenal hefur styrkt sig verulega í sumar og festi í gær kaup á öðrum miðjumanni, Lucas Torreira.