Sergio Ramos er vonsvikinn að missa félaga sinn Cristiano Ronaldo til Juventus en hann samdi við félagið í dag.
Ramos mun sakna Ronaldo mikið og segir að hann hafi unnið sér inn sérstakan stað í sögu félagsins.
Ronaldo lék 438 leiki fyrir Real á ferlinum og skoraði 451 mark. Eitthvað sem enginn hefur áður gert.
,,Cristiano, mörkin þín, tölfræðin og allt sem við unnum saman talar sínu máli,“ sagði Ramos.
,,Þú hefur unnið þér inn sérstakan stað í sögu Real Madrid og við munum aldrei gleyma þér.“
,,Það hefur verið unun að fá að spila með þér. Stórt knús og gangi þér vel.“