Juventus á Ítalíu hefur staðfest það að Cristiano Ronaldo sé búinn að skrifa undir hjá félaginu.
Real Madrid greindi frá því fyrr í kvöld að félagið væri búið að samþykkja tilboð ítalska félagsins í Ronaldo.
Ronaldo er 33 ára gamall í dag en hann fær þrátt fyrir það fjögurra ára samning á Ítalíu.
Juventus borgar 105 milljónir punda fyrir Ronaldo sem kom til Real frá Manchester United árið 2009.
Það hefur lítið hægt á Ronaldo síðustu ár og virðist hann bara verða betri með aldrinum.
