Hörður Snævar Jónsson skrifar frá Volgograd:
Gernot Rohr þjálfari Nígeríu ber mikla virðingu fyrir þeirri vinnu sem íslenska landsliðið hefur unnið.
Liðin mætast í Volgograd á morgun í 2. umferð í riðlakeppni HM. Nígería er án stiga og þurfa helst sigur.
,,Taktíkin er eitthvað sem ég vil ekki ræða við blaðamenn, ég ræði það við leikmenn. Við verðum með taktík til að vinna leikinn, fyrir síðasta leik var gott skipulag en við töpuðum. Það voru ekki mistök varðandi taktík, við fengum tvö heimskuleg mörk á okkur. Sjálfsmark og vítaspyrna, við verðum að vera klárir með gott skipulag gegn öðruvísi liði. Við verðum að aðlaga leikstíl okkar gegn öðruvísi liði,“ sagði Rohr.
,,Ég ber mikla virðingu fyrir íslandi, þeir áttu frábæran leik gegn Argentínu. Við vitum að það verður erfitt að vinna þá, þeir eru með góða leikmenn. Þeir sem spila sem lið, þeir hafa ekki stjörnu. Ekki við heldur, þetta verður leikur tveggja liðsheilda. Ísland er með reynsluna, 28 ára meðalaldur. Við erum með yngra lið, það eru ungir gegn reynslunni. Þetta verður áhugavert.
