Lionel Messi er enginn Diego Maradona segir fyrrum framherjin Argentínu, Hernan Crespo.
Messi er gagnrýndur þessa stundina eftir frammistöðu hans í 1-1 jafntefli gegn Íslandi í riðlakeppni HM í gær.
Messi átti 11 skot á markið en tókst ekki að skora og segir Crespo að hann sé einfaldlega enginn Maradona sem vann HM með Argentínu árið 1986.
,,Byrjum á staðreyndunum. Messi átti skilið fimmu fyrir sína frammistöðu,“ sagði Crespo.
,,Auðvitað erum við að búast við meiru frá honum en Messi er ekki Maradona og vinnur ekki HM upp á eigin spýtur.“
,,Stuðningsmenn Argentínu verða fyrst að fatta það og svo liðsfélagar hans.“