Jack Wilshere hefur gefið það sterklega í skyn að hann sé á förum frá Arsenal í sumarglugganum.

Þessi 26 ára gamli leikmaður hefur verið hjá Arsenal allan sinn feril en hefur þó tvívegis verið sendur á lán.

Wilshere er að verða samningslaus á Emirates og birti í dag mjög skrítin skilaboð þar sem hann gefur í skyn að hann sé að fara.

,,Það kemur tími þar sem þú þarft að ákveða hvort þú viljir fara á næstu blaðsíðu eða loka bókinni,“ stóð í skilaboðum Wilshere.

Wilshere spilaði sinn fyrsta leik fyrir Arsenal árið 2008 og hefur síðan þá spilað tæplega 200 leiki fyrir félagið.