Andrea Pirlo lagði skóna á hilluna fyrr á þessu ári en þessi ítalski snillingur átti magnaðan feril.
Pirlo var þekktur fyrir frábæra spyrnugetu en hann var lengi sérfræðingur AC Milan, Juventus og ítalska landsliðsins.
Pirlo var í dag spurður út í það hvaða leikmenn væru bestu aukaspyrnusérfræðingar heims í dag og nefndi hann þrjá leikmenn.
,,Eins og staðan er núna eru þrír bestu aukaspyrnusérfræðingarnir þeir Lionel Messi, Miralem Pjanic og Paulo Dybala,“ sagði Pirlo.
,,Þeir eru allir góðir leikmenn og þeir geta allir tekið mjög góðar aukaspyrnur.“