Hector Cuper, landsliðsþjálfari Egyptalands, býst við því að Mohamed Salah spil gegn Úrúgvæ á morgun.
Egyptaland spilar sinn fyrsta leik á heimsmeistaramótinu en Salah hefur verið að glíma við meiðsli og er þeirra stærsta stjarna.
Salah er þó að jafna sig af meiðslunum og eru allar líkur á því að hann verði í byrjunarliðinu í leiknum.
,,Ég er næstum 100 prósent á því að hann geti spilað nema að eitthvað óvænt gerist á síðustu stundu,“ sagði Cuper.
,,Við reynum að gefa honum sjálfstraust og læknarnir gefa honum valkosti, að spila eða spila ekki. Salah er ekki hræddur, hann veit að við værum að taka áhættu.“