Zlatan Ibrahimovic er spenntur fyrir því að sjá þá Paul Pogba og Kylian Mbappe spila á HM í sumar.
Zlatan fer sjálfur ekki á HM í þetta skiptið en hann tók ekki þátt í undankeppninni með sænska landsliðinu.
Svíinn mun þó að sjálfsögðu fylgjast með mótinu og er spenntur fyrir franska liðinu og þá sérstaklega Pogba og Mbappe.
,,Ég held að Pogba sé klárlega spennandi, það þekkja hann allir og hann er fljótur og leikinn,“ sagði Zlatan.
,,Mbappe er rísandi stjarna sem á enn meira inni til að komast á toppinn en hann mun komast þangað.“
,,Það eru svo margir leikmenn sem eru spennandi þessa stundina og fleiri stjörnur sem fólk er ekki að tala um ennþá sem gætu tekið yfir.“