Massimiliano Allegri, stjóri Juventus, hefur staðfest það að hann hafi hafnað því að taka við Real Madrid í sumar.
Real tilkynnti í gær að Julen Lopetegui myndi taka við liðinu af Zinedine Zidane sem hætti óvænt eftir síðasta tímabil.
Allegri var orðaður við bæði Chelsea og Real í sumar en ákvað á endanum að vera áfram hjá Juventus.
,,Sagði ég nei við þessi tvö félög? Segjum bara að ég hafi sagt já við Juventus, við komumst að samkomulagi,“ sagði Allegri.
,,Ég er þakklátur Florentino Perez [forseta Real] fyrir að hafa sýnt mér áhuga.“