Breiðablik vann góðan sigur í Pepsi-deild karla í kvöld er liðið fékk Fylki í heimsókn í Kópavoginn.
Leikur kvöldsins var fjörugur en því miður fyrir áhorfendur voru engin mörk skoruð í fyrri hálfleik.
Tvö mörk voru hins vegar skoruð í síðari hálfleik og það gerðu þeir Andri Rafn Yeoman og Willum Þór Willumsson í 2-0 sigri Blika.
Hér má sjá það góða og slæma úr leiknum.
Plús:
Tveir sigurleikir í röð hjá Blikum eftir erfitt „run“. Ætla ekki að gefa eftir í baráttunni um titilinn.
Það var mikið fjör í þessum leik í Kópavogi og var NÓG af tækifærum fyrir liðin til að skora. Opið og fjörugt.
Aron Snær í marki Fylkis átti GEGGJAÐA markvörslu í fyrri hálfleik. Skot frá Gísla Eyjólfs sem fór í varnarmann og varði Aron meistaralega. Konfekt.
Mínus:
Ég held að Fylkismenn hafi fengið 17 hornspyrnur í leiknum.. Helgi Sig þarf að fara betur yfir hvernig þær eru teknar. Ótrúleg nýting.
Ég hefði viljað fleiri mörk. Það var svo mikið af færum í þessum leik og í raun svekkjandi að þau hafi bara verið tvö.