Julen Lopetegui var í dag látinn fara sem landsliðsþjálfari spænska landsliðsins, fréttir sem komu mörgum á óvart.
Heimsmeistaramótið í Rússlandi hefst á morgun og var Fernando Hierro ráðinn í stað Lopetegui og fær engann tíma til að undirbúa liðið.
Tilkynnt var á dögunum að Lopetegui myndi taka við Real Madrid eftir HM en hann lét ekki vita af því.
Spænska knattspyrnusambandið ákvað því að láta hann fara og hafði Lopetegui sjálfur ekki mikið að segja um málið.
,,Ég vona að við eigum frábært heimsmeistaramót. Ég mun ekki segja meira en það,“ sagði Lopetegui.