Það fór fram toppslagur í Inkasso-deild karla í kvöld er HK fékk ÍA í heimsókn í Kórinn.
Bæði lið hafa átt mjög gott sumar til þessa en leik kvöldsins lauk með markalausu jafntefli. Stál í stál.
Þór vann flottan útisigur á Magna á sama tíma eftir að Magnamenn höfðu komist yfir með marki á 76. mínútu leiksins.
Þegar um tíu mínútur voru eftir af leiknum fengu tveir leikmenn rautt spjald en Agnar Darri Sverrisson var rekinn af velli hjá Magna og Gísli Páll Helgason fyrir Þór.
Þórsarar virtust njóta þess að spila tíu gegn tíu og skoruðu tvö mörk undir lokin til að tryggja 2-1 sigur.
Víkingur Ólafsvík vann svo flottan sigur á heimavelli gegn Leikni Reykjavík með þremur mörkum gegn engu.
HK 0-0 ÍA
Magni 1-2 Þór
1-0 Bergvin Jóhannsson
1-1 Ívar Sigurbjörnsson(sjálfsmark)
1-2 Alvaro Montejo
Víkingur Ó. 3-0 Leiknir R.
1-0 Alexander Helgi Sigurðarson
2-0 Kwame Quee
3-0 Emmanuel Eli Keke