Belgía vann virkilega góðan sigur á Kosta Ríka í gær er liðin áttust við í æfingaleik í Belgíu.
Bæði lið eru að undirbúa sig fyrir keppni á HM í Rússlandi en Belgía er talið til alls líklegt á mótinu.
Belgía vann 4-1 sigur á Kosta Ríka og var fyrirliði liðsins, Eden Hazard, valinn besti maður vallarins.
Þjálfari Kosta Ríka, Oscar Ramirez, lét athyglisverð ummæli falla eftir tapið í gær.
,,Þessi númer tíu særði okkur mikið. Ég veit ekki hvað hann heitir,“ sagði Ramirez eftir tapið.
Hazard er mjög þekktur knattspyrnumaður en hann spilar með Chelsea í ensku úrvalsdeildinni.