Keylor Navas, markvörður Real Madrid, vonar að hann geti endað ferilinn hjá félaginu og vill alls ekki fara í sumar.

Navas hefur verið aðalmarkvörður Real síðustu þrjú tímabil en Real er þó alltaf sagt vera á eftir nýjum manni í markið.

,,Sama hvað gerist þá standa stuðningsmennirnir alltaf með mér. Á vellinum finn ég fyrir stuðning sem hvetur mig áfram,“ sagði Navas.

,,Þegar ég labba um í Madríd þá kemur fólk alltaf að mér og sýnir mér stuðning. Þeir segjast elska mig og að þeir vilji ekki að ég fari.“

,,Ég er leikmaður Real Madrid og er samningsbundinn til 2020. Ég hef alltaf sagt það að ég sé ánægður hjá Real Madrid og ég vona það innilega að ég geti endað ferilinn hérna.“