Hörður Snævar Jónsson skrifar frá Rússlandi:
,,Það hefur komið mér á óvart hversu rólegir við erum búnir að vera,“ sagði Gylfi Þór Sigurðsson leikmaður íslenska landsliðsins fyrir æfingu liðsins í Rússlandi í dag.
Íslenska liðið er að æfa í þriðja sinn í dag en nú er farið að styttast í fyrsta leik á HM, liðið hefur leik á laugardaginn gegn Argentínu.
Meira:
Ítarlegt viðtal við Gylfa í Rússlandi – ,,Ég hélt að það yrði meiri spenna og æsingur í okkur“
Ramiro Funes Mori varnarmaður Everton er frá Argentínu og hefur oft verið í landsliðinu. Hann var hins vegar ekki valinn í hópinn fyrir HM.
Hefur Gylfi leitað ráða hjá honum hvernig á að vinna Argentínu? ,,Nei, ég ætti kannski að heyra í honum með það,“ sagði Gylfi á æfingu liðsins í dag.
,,Við spjölluðum mikið saman fyrir sumarfríð. Ég þarf ekki að spyrja hann mikið út í leikmennina, þeir eru allir mjög góðir.“