Manchester City mun ekki ná að framlengja samning Raheem Sterling áður en HM í Rússlandi hefst.
Sky Sports greinir frá þessu og segir að viðræður Sterling og City hafi siglt í strand.
Sterling er einn mikilvægasti leikmaður City en hann átti frábært tímabil er liðið vann ensku deildina á síðustu leiktíð.
Sterling er enn samningsbundinn til ársins 2020 en þessi 23 ára gamli leikmaður vill fá væna launahækkun.
City bauð Sterling samning til ársins 2022 en hann vill fá jafn góð laun og launahæstu leikmenn liðsins.