Wolverhampton Wanderers hefur fest kaup á framherjaun Benik Afobe en þetta var staðfest í dag.
Þessi öflugi leikmaður kemur til Wolves frá Bournemouth þar sem hann hefur spilað undanfarin tvö ár.
Afobe var einmitt á mála hjá Wolves áður en hann fór til Bournemouth og hefur nú skipt aftur yfir.
Afobe var lánaður til Wolves á síðustu leiktíð og skoraði sex mörk í 16 leikjum í næst efstu deild.
Wolves tryggði sér sæti í ensku úrvalsdeildinni með hjálp Afobe og hefur félagið nú keypt hann endanlega fyrir 12,5 milljónir punda.
