Pierluigi Collina, einn besti dómari allra tíma, hefur komið Michael Oliver, dómara, til varnar.
Collina var frábær dómari á sínum tíma en hann hefur lagt flautuna á hilluna og starfar nú á bakvið tjöldin.
Oliver tók stóra ákvörðun í undanúrslitum Meistaradeildarinnar er hann gaf Real Madrid víti gegn Juventus á lokasekúndum leiksins.
Mikið hefur verið rætt um hvort dómurinn hafi verið réttur og segir Collina að Oliver hafi gert rétt.
,,Það var réttur dómur að gefa víti þarna. Dómarinn sá hvað gerðist og tók ákvörðun,“ sagði Collina.
,,Ég get bara sagt einn hlut. Dómarinn hefur dæmt í 199 leikjum í ensku úrvalsdeildinni og ég dæmdi 240 leiki í Seríu A.“