KR lyfti sér upp í fimmta sæti Pepsi-deildar karla í kvöld er liðið fékk KA í heimsókn í Frostaskjólið.

KR hafði betur með tveimur mörkum gegn engu en þeir Kennie Chopart og Björgvin Stefánsson skoruðu.

Hér má sjá það góða og slæma úr leiknum.

Plús:

Sóknarleikur KR var öflugur í leiknum, fjölbreyttur með Kristinn Jónsson ógnandi á vinstri vængnum. Björgvin öflugur sem fremsti maður.

Björgvin Stefánsson er að stimpla sig vel inn hjá KR, Rúnar Kristinsson hefur sýnt honum mikið traust og hann er að borga til baka.

Fyrsta hreina lakið hjá KR í sumar, Aron Bjarki kemur inn í vörnina með festu og aga.

Mínus:

KA er með fimm stig eftir sex umferðir, það má ætla að sætið hjá Túfa fari að hitna á Akureyri. Slök uppskera.

Guðmann Þórisson fór meiddur af velli í hálfleik, meiðsli hans í fyrra reyndust KA dýrkeypt og gætu orðið aftur í ár.

Sóknarleikur KA er hægur og fyrirsjáanlegur, liðið á langt í land.