Mohamed Salah þurfti að yfirgefa völlinn í gær í úrslitaleik Meistaradeildar Evrópu í Úkraínu. Þar sem Liverpool tapaði fyrir Real Madrid.
Salah hefur verið besti leikmaður Liverpool á tímabilinu en entist í aðeins hálftíma í leik kvöldsins.
Salah féll í grasið eftir baráttu við Sergio Ramos og gat ekki haldið áfram keppni vegna meiðslanna.
Salah stóð upp og hélt áfram í fyrstu en var sárkvalinn og gat á endanum ekki spilað. Adam Lallana leysti hann af hólmi.
Óttast var í fyrstu að meiðslin á öxl hans myndu halda honum frá HM í sumar. Egyptar segja hins vegar að Salah verði klár í slaginn eftir myndatöku í gær í Kiev.
