Florentino Perez, forseti Real Madrid, hefur gefið það sterklega í skyn að Cristiano Ronaldo vilji fara frá félaginu.
Ronaldo gaf sjálfur í skyn í kvöld að hann væri á förum eftir sigur Real á Liverpool í úrslitum Meistaradeildarinnar.
Ronaldo fær ekki þann samning hjá Real sem hann óskaði eftir og talaði um tíma sinn hjá Real eins og það væri fortíðin.
Perez var spurður út í mál Ronaldo eftir lokaflautið í kvöld og hafði þetta að segja um Portúgalann.
,,Ég vil minna Cristiano á það að liðið er mikilvægara en einhver einn leikmaður,“ sagði Perez.
,,Ég mun ekki ræða persónuleg mál og vekja athygli á einhverju öðru. Nú fáum við að fagna.“