Phil Thompson, sérfræðingur Sky Sports, telur að Sergio Ramos sé veiki hlekkurinn í stórliði Real Madrid.
Ramos hefur lengi verið einn af aðalmönnunum á Santiago Bernabeu og ber fyrirliðaband Real.
Thompson er þó ekki of hrifinn af Ramos og telur að Liverpool geti nýtt sér veikleika í vörninni er liðin eigast við í úrslitum Meistaradeildarinnar á morgun.
,,Sergio Ramos á sína gagnrýnendur. Hann er stríðsmaður og sigurvegari en hann er einnig hægur og er að verða hægari,“ sagði Thompson.
,,Það er ástæðan fyrir því að hann fær svo mörg gul og rauð spjöld og það mun hjálpa sóknarlínunni okkar.“