Víkingur Ólafsvík vann sterkan sigur í Inkasso-deild karla í kvöld er liðið heimsótti Hauka í fjórðu umferð.
Víkingar unnu 1-0 útisigur en það var Ingibergur Kort Sigurðsson sem gerði eina mark leiksins fyrir Víkinga.
Haukar sitja nú í sjötta sæti deildarinnar með fjögur stig en Víkingar í fjórða sæti með sjö stig.
ÍA og Njarðvík áttust þá við í fjörugum leik þar sem bæði lið fengu eitt stig á Akranesi.
Leiknum lauk með 2-2 jafntefli en Magnús Þór Magnússon tryggði Njarðvíkingum stig með marki undir lok leiksins.
Þetta voru fyrstu stigin sem ÍA tapar í sumar en liðið var með fullt hús stiga eftir fyrstu þrjár umferðirnar.
Haukar 0-1 Víkingur Ó.
0-1 Ingibergur Kort Sigurðsson
ÍA 2-2 Njarðvík
0-1 Stefán Birgir Jóhannesson
1-1 Stefán Teitur Þórðarson
2-1 Andri Adolphsson
2-2 Magnús Þór Magnússon
