Jón Daði Böðvarsson var í fínum gír í dag er við ræddum við hann á Laugardalsvelli þar sem landsliðsæfing fór fram.

HM er framundan og eru fleiri leikmenn að mæta til æfinga með landsliðinu og kveðja sitt félagslið.

,,Það er komin smá vakning að HM sé framundan, fleiri komnir og það er gott að hitta strákana,“ sagði Jón Daði.

,,Ég er í fínasta formi og það er ekkert að angra mann sem er frábært. Nú hugsar maður bara vel um sig.“

Jón Daði var í stuttu fríi í Ísrael á dögunum og var þar er landsliðshópurinn var kynntur. Hann hitti svo Viðar Örn Kjartansson sem var ekki valinn í hóp.

,,Ég var ekki með honum en maður heimsótti hann reglulega og auðvitað var hann svekktur eins og hver annar.“

,,Þetta er leiðinlegt eins og fyrir alla aðra en hann tók þessu eins og fagmaður og óskaði okkur góðs gengis.“