Arsene Wenger, fyrrum stjóri Arsenal, segir að hann hafi reynt að fá Cesc Fabregas, Lionel Messi og Gerard Pique frá Barcelona.

Wenger hætti hjá Arsenal á dögunum og er nú í viðtölum út um allt að tala um langan feril sinn hjá félaginu.

Wenger fékk Fabregas til Arsenal á sínum tíma en var meinað að fá bæði Pique og Messi.

,,Ég hitti forseldra Cesc á þessum tíma og við höfðum einnig áhuga á Messi og Pique,“ sagði Wenger.

,,Við reyndum við þá alla en það gekk ekki upp en við fengum demant í Cesc og hann er magnaður leikmaður með fótboltaheila.“

,,Umboðsmennirnir komu í veg fyrir að við fengum Messi og Pique. Nike vildi að Pique myndi fara til Manchester United og Barcelona vildi ekki missa Messi.“

,,Þeir buðu honum samning sem var nóg til að halda honum þar. Ég veit ekki hvort hann hafi haft áhuga.“

,,Ég komst ekki það nálægt því að koma samningum í höfn því Barcelona stöðvaði það mjög snemma.“