Glenn Hoddle, fyrrum landsliðsþjálfari Englands, myndi velja Marcus Rashford fram yfir Raheem Sterling á HM í sumar.
Sterling átti frábært tímabil með Manchester City en spilar annað hlutverk sem einn af fremstu mönnum með Englandi.
Hoddle telur að Marcus Rashford eigi frekar að byrja en Sterling hefur ekki skorað grimmt með landsliðinu.
,,Sterling hefur gert góða hluti með félagsliðinu en hefur ekki skorað í 19 leikjum í röð fyrir England og staðan sem hann spilar þar er allt öðruvísi,“ sagði Hoddle.
,,Ég myndi nota Rashford og Kane. Það myndi hræða hvaða vörn sem er, ef þú ert með þessa tvo.“
,,Það eru ekki margir varnarmenn sem eru vanir að spila gegn tveimur saman frammi. Þeir eru vanir því að spila gegn einum framherja.“